Waxaa Magalada London si weyn loogu soo dhoweeyey Xoghayaha Arrimaha Dibada Xisbiga Himilo Qaran Senator Ilyaas Cali Xasan ahna Senator ka tirsan Aqalka sare,  halkaasi oo safar shaqo uu ku billaabayo iyo sidii loo xoojin lahaa howlaha Xisbiga,

Garoonka Diyaaraha ee London ayaa Senator Ilyaas  waxaa  kusoo dhoweeyey mas’uuliyiinta Xisbiga Himilo Qaran ee garabka UK.

Waxaa la Qorsheynayaa  in Senator Ilyaas Cali Xasan uu magaalada London maalmaha uu joogo ee  soo socda ku  qaban doono  howlaha  la xiriira dar-dar gelinta Xisbiga oo ah mid ka mid ah xisbiyada ugu weyn Soomaaliya.

Xisbiga Hamilo Qaran ayaa isku diyaarinaya inuu ka qeyb galo doorashooyinka la rajeeynaayo  in ay sanadkan ka dhacaan dalka, wuxuuna ka mid ah xisbiyada la filayo inay guulo weyn kasoo hooyaan Doorashooyinka Xildhibaanada iyo tan Madaxtinimada Dalka ugu sareeysa